無牌客棧‧玩殘官爺

『十‧一』黃金周，終於又落幕，旅客喞反映，房價貴過頭。周內大新聞，『客棧』爆命案，『玩玩吓』衙門。即刻出大差，連『冚』數『客棧』，皆因其無牌。 這一『偉績』，充分說明『無牌客棧』，並非『難冚』，過去『賴』『無法』，衙差『難』郁手，望穿咗秋水，『皇榜』終出來，『無牌客棧』，依然如舊，五步一間，十步一樓。真個是『客棧』冚不盡，『差』走開又生，連一向修養甚佳既一哥誠，亦谷氣咁怨問？『冚唔掂D』『無牌客棧』，係力度抑或係『皇榜』問題？ 今次『客棧』搞出人命，『玩玩吓』衙門即刻做到嘢，連『冚』數間『客棧』，就好清楚話畀人聽，過去唔掂，係用『力』問題！ 不過，點解又經常做得『窒手空腳』？可能同『唔慣手勢』同『五行相剋』問題。 首先，從過去唧紀錄睇『無牌客棧』，經常揭出，姦淫劫掠罪案，搜查『客棧』，亦不時搜出江湖人馬，鳳姐，粉友之輩，充份顯示，『無牌客棧』系鼠高蛇穴，藏污納垢之所，反觀『玩玩吓』衙門班『哥哥』，每多係官仔骨骨，乾淨企理之輩，叫班斯文哥去污糟地『唧問』班紋龍雕鳳喞江湖黑漢或者白粉婆，正式係官仔對流氓，肯定係『資源錯配』，做起嘢上嚟，當然係，『依手依腳』，做極都唔爽手，當然用力唔夠！ 照阿茂話，若果請巡捕房班威龍猛探，同埋大隻師姐，同球斯文官仔一齊去冚『客棧』，咁就可以充分發揮各自所長，先由斯文官仔，打恭作揖去門，再以周公之禮去宣示『皇榜』，昭示天下，若果啲江湖兄弟姐妹，『唔順超』，先由啲師兄師姐出動，以『黃制黑』，咁就可以達到，依法做嘢，又五行相剋唧自然，『先禮後兵』唧崇高境界嘞！此法果真有效？不管你信不信，反正阿茂信到十足！ ‧阿茂‧