生態競爭力第一有愧

未知係上頭之「恩賜」，還係美麗之「誤知」，蓮花地日昨竟然被「封」為「龍之地」「生態競爭力第一之城市」。 獲賜「一哥」，當然有人自戀得「沾沾自喜」，但，明眼人，心知肚明，當然明白這個封賜，除咗用心良苦外，還可能被美麗表象所「誤知」。 賜封美譽嘅，係內地社科院屬下嘅「財經戰略研究院」，佢地班專家：學士、平日對住大堆精心製造出嚟嘅數字同美麗宣傳，加上可能耐唔耐嚟蓮花地逛逛小住，除咗享受葡撻同馬介休魚，可能伴去名牌商場購物及豪華、優雅之區入住，對蓮花地嘅印象，當然係幽雅，安全兼富庶，加上蓮花官嘅精彩宣傳攻勢，得出良佳印象，當是自然之事。 不過，實際生活係，蓮花地嘅父老，尤其壓係最低層嘅蟻民，諗法就冇咁「美譽」。從衣、食、住、行四生活四要素開始！衣、食講來還可以，說到住、行，常受「千夫指」。無殼一族，伸頸等屋。真似蝸牛，認真「慢慢」。苦等多年，似近上樓，「有巢氏」老爺，口快一改，上樓四年「內」，改成四年「後」，睜大眼「吹牛」，被鬧到似「狗」。 講到出「行」。更乞人憎，當年放煙幕，「綠」色出行，多乘公交，美麗人生。誰知「謊言」實現後，交通亂象，糟透依舊。 講環境污染，空氣薰壞人，廢水涓長流，心、肺、癌等病，已成蓮花地，最高三殺手，若評家知道，蓮花地生態，仍屬「最宜居」！？ 不過有一點，可只差一字，就係蓮花地，為龍之大地，最宜「賭」城市，這個榮譽，無愧受之，因只看賭收，我敢認第二，誰敢「競爭」之！？       ‧阿茂‧