選舉年經屋甩磚 羅司呻遭化大

【本報訊】近來經屋甩磚問題再起波瀾，運輸工務司司長羅立文對此表不滿，批評有關問題與聲音不成比例、不合理，質疑是因為選舉年，問題遭化大。

羅立文昨向立法會介紹氹仔偉龍馬路經屋項目，期間多位議員紛關注經屋甩磚以至未來公屋質量的問題。羅重申，買樓如一般買東西一樣，保養期過後未必是沒有問題，且相關經屋已過保養期一段時間，「我諗邊個買任何一樣嘢都要自己照顧返自己嘅嘢」。

現時房屋局已就公屋制訂指引並不斷更新。今年啟動的填海新城A區五幅公屋用地，當局都會列明用料，包括單位內和大廈公共地方。建設辦主任林煒浩補充，未來標書也列明用磚情況，若沒特殊原因就不會用大型的磚。

羅立文坦言，質量監管人手缺乏，不可能做到興建每層樓、每間房都有外判公司監管著，故他無法保證日後百分百沒問題，或許日後只能油灰水解決。當局現會配合相關小業主決定去處理，不管是要修補還是全部重做。

素公開維護下屬的羅立文說，肯定相關同事有盡量做好自身監督工作，但外界對他們指責有些不合理。如全澳非只有那兩幢經屋甩磚，連其局長所住的私樓也有同樣問題，但「報紙有冇一個字呀？一個字都冇」。

「我明白今年係一個特別嘅年。」羅立文希望，外界不應因此就「嘈得不得了」、指責政府工程都有問題，「搞到我哋做嘅嘢全部都係垃圾，呢個唔係一個事實」。

羅立文又謂，今年出事的面積約數個百分比，但「嘈」的聲音就不只是數個百分比，問題也沒有如此嚴重的程度，「我諗大家要合理一啲，有問題我哋一定係度處理問題，但唔好整大個問題」。

自言要做事難免百分百不「撞板」的羅立文更毫不避忌地道：「我阿媽生我出嚟好鍾意畀人鬧咩？好彩我阿媽死咗，如果我阿媽（仲）在生，米淒涼，成日睇住個仔畀人鬧，係米？所以呢樣嘢大家同情咁我啲同事，唔該啦。」